الخرطوم : كمال علي
هو فنان ملتزم وقدم المختلف والهدف وانتقى الجميل من الحقيبة وأغنيات من سبقوه من جيل العمالقه فأجاد الأداء وتخطى مرحلة الوعد والبشارة فور ظهوره فاستحق النجومية.
الفنان سيف الجامعة فنان جميل وملتزم بقضايا أمته وهو بهي الحضور في محافل الوطن.. َيعطي ويقدم ويضفي ويضيف.
* لما ترجع بالسلامة….. الثنائيات الخالدة.
شكلت الثنائية في مسيرة الأغنية السودانية محطات هامة زاخرة بالعطاء الفني اللافت الأخاذ وظهرت ثنائيات بهرت الساحة برحابة العطاء في نسق وانسجام وتناغم…. ويبقى ثنائي العاصمة نموذجاً طيبًا وإضافة ثرة لتلك الفكرة…
ولما ترجع بالسلامه وترجع أيامنا الجميله
يا سنا الروح ويا مداما ويا عواطفنا النبيله
بتهدي ليلاتنا ابتسامه
من زمان بنقول حليلا.
*تجاني حاج موسى…. حاجات تانيه حامياني.
ود دار السلام هدية وادي عبقر إلى المكتوين بنار العشق والعاطفة الجياشة، الأستاذ التجاني حاج موسى… ينداح في كل سوح الفن والإبداع محتشداً بكل قيم الخير والحق والجمال.. ولا يزال السؤال المؤرق ومفاده ما هي؟ (حاجات تانيه حامياني).
ــ كلام للحلوه:
انت ما برضك حبيبنا والحنان الفي قلوبنا اصلو نابع من عيونك
والمحبه الفيها لو ما انت ما كانت محبه
كل اشواقنا ومشاعرنا وأحساسينا النبيله
انت ما أهديتا لينا
وكيف نضيع أحلى ما أهديت يا غالي
بشير عبد الماجد وزيدان إبراهيم.. وكفى.