الخرطوم – الصيحة
كشف النائب الأول لرئيس المجلس السيادي الفريق أول محمد حمد دقلو حميدتي، أن مشائخ وعلماء دين نصحوا الحكومة بالتطبيع مع إسرائيل، وأكد أنهم لن يتركوا طريق لمساعدة البلاد وتحقيق مصالحها.
وقال حميدتي خلال مخاطبته مناسبة اجتماعية بمحلية أم درمان أمس، ردأ على سؤال بشأن التطبيع مع إسرائيل: “عشان ما تحملونا المسؤولية أنا هنا بقول ليكم كلام ما في زول بقولوا الشيوخ كلهم قالوا طبعوا مع إسرائيل عشان تكونوا عارفين”.
فيما أقر حميدتي بفشل الحكومة الانتقالية وشدد على أن السودان لا يُعاني من قلة الموارد بل من مشكلة في سياسيات قال إنها تدمر البلاد، ونوه إلى الشعب السوداني لم يفوض أحداً ليحكمه وقال “نحنا برضو فشلنا كتير جداً والبلد دي بالطريقة دي ما بتمشي، لازم الناس تتفق على رؤية تجمع كل الناس والإقصاء ما بودي بلد لقدام، واستبدال التمكين بالتمكين”، وأضاف: ” الجماعة ديلك كانوا بمكنوا وديل جاءوا أشد منهم في التمكين”. وتابع: “مشكلتنا الجابت لينا البلاوي وشيطنوننا لأننا قلنا كلمة الحق، وخلال الـ 16 شهر الماضية الكيمان بالنسبة لنا اتفرزت الشىء العايز يدمر البلد دي معروف والداير يودي البلد دي لقدام الآن معروف”.
وقطع حميدتي بأنه لا مجال لحدوث إنقلاب بعد الآن سوى من الجيش أو الدعم السريع، وقال “بعد اليوم لن نجامل أي زول وسنقول الحقائق في التلفزيون فلان بعمل واحد وإثنين وثلاثة”.