رسالة إلى الشعب السوداني والمجتمع الدولي
رسالة إلى الشعب السوداني والمجتمع الدولي
د. يعقوب نورين
أول رسالة للبرهان أنا بقول ليك وكلامي دا ما شعارات ولا للكسب السياسي، كلامي دا خته حلقة في أضانك أنت ما عندك شرعية وما في زول بيديك شرعية ولو مفتكر الخواجات الزاروك امبارح بجيبوا ليك شرعية تبقي موهوم، السلطة سوف تسلم للشعب كاملة عبر قوي مدنية حقيقية ومسألة الشليليات والتجمعات السياسية وصاحبي وصاحبك تاني ما بتمشي علي زول، ونحن قادرين نقاتلك ٢٠٠ سنة، وما تقول بورتسودان بعيدة نحن جايينك جوة بورتسودان، والبلد دي أصلها من قامت مقلوبة ولكن نحن قطعنا وعد علي أنفسنا وعلي الشعب بأن نستعدلها تماماً.
البلد دي حقت المعلم والمزارع والحرفي والام والاب والخال البلد دي حقتنا كلنا غرابة وشراقا وشماليين وناس الوسط والكل سواء ما في زول بيمسك قلم ويصحح للأخرين، البلد دي حقت الغلابة والمحرومين والجوعى مش حقت مجموعة منفصلة عن الواقع السوداني ولا تري إلا عبر منظارها المعطوب.
ولما قلنا ليك بعد هروبك الكبير من القيادة إلي بورتسودان قلنا ليك جايينك كنا عارفين بنقول شنو وعارفين إننا قادرين علي جعل كلامنا واقعاً يراه الناس.
دولة جديدة من الأساس وحتى الرأس.
شاء من شاء وأبى من أبى.
رفعت الأقلام وجفت الصحف.
